.. الآن الأربعاء 27 رجب 21432هـ ، 29 يونيو 2011م الساعة 11.00 مساءً..
ادفع جنيه واحد في الشهر
ادفع جنيه واحد في الشهر
ربك كريم هيضاعف الأجر
ادعم قناة الحكمة وقول
هتفضلي مباشر على طول
طول ما احنا فينا نفَسْ عايشين
هننصرك وليحيا الدين
يا حكمة دا انتي الخير للناس
علم وأدب بر وإخلاص
إزاي يا مسلم قـُلـِّي ازاي
تقفل قناة الحكمة ازاي ؟
هتقولـِّي وانا راح أعمل إيه؟
دول نص أرنب برده يا بيه !
هجيب منين للدعم وكام
وانا اللي من غير أكل بنام ؟
إوعاك يا مسلم تبخل عيب
تعالى نحسب كام في الجيب
شوف كام جنيه بيروح في اليوم
حاجات كتير ولا منها لزوم
شبسي ولبان مصاصة ولب
وبيبسي زي الواد ما يحب
نفافيخ وطرقع فيها و فشار
آيس كريم لكبار وصغار
هتقول لي مالي وفيه أنا حُر
ولا انت جاي تِحسِدْ وتـْـقـُرْ ؟
كـُلْ بالهنا مش هقول لك لأ
لا بحسدك ولا قصدي النـَّأ
لكن بقول لك وفـَّرْ يوم
جنيه يا مسلم صحي النوم
وابعت رسالة على المليون
تدعم قناة الحكمة تصون
أو فِ الحساب "مِيَّة اتناشر" 10012
عشان قناتنا تيجي مباشر
جنيه يتيم واحد مسكين
تضحي بيه وينتصر الدين
والا احنا بس كلامنا فـْـشِنكْ
ونيجي ساعة الجد نْـفُـكْ ؟
نقول فقير مسكين يا حرام
أربع عيال ومعايا مدام
ده انا اللي محتاج منكو الدعم
وبشتكي من فقر الدم
عيب عيب يا مسلم كده إخِّيه
ضميرك ان كان نام صحّيه
والله عار وخراب وشنار
دا احنا بقينا فوق المليار
والا احنا بس عدد ف لمون
زَبَدْ غثاءْ ورغاوي صَبُون ؟
ادفع جنيه في الشهر وبَسْ
ومطـَّاوعْش وساوس النفس
اسمع نصيحتي لوجه الله
وادفع جنيه واحد لله
طب افترض لو ضاع مِنـَّكْ
أو جبت بيه بسكوت لابنك
أو اشتريت كوباية شاي
أو خدت توك توك رايح جاي
أو جيب جاكته وكان مخروم
أو ضاع من ابنك ف البدروم
جنيه وحيد وملوش اخوات
في الشهر نفتح بيه قنوات
ادعم قناة الحكمة تفوز
وع الصراط ف الآخرة تجوز
لو نيتك لله تخلص
وعُمْرْ مَالـَكْ يوم ينقص
إش حال قناة تراباتاتو
شغالة ليل ونهار وان تو
هَلـْسْ وهيافة يمين وشمال
والرقص طول اليوم شغال
أفلام أغاني وعُرْيْ كمان
بنات ولاد هَجْسْ وتـَوَهَان
ليه بثها شغال مقطعش
مع إن أجرتها تو ماتش ؟
أصل الزباين بالملايين
تليفون ، رسايل مش ساكتين
وإعلانات رقص وتفاريح
عشان كده واخدين تصاريح
والحكمة دي قنا موزونة
بالدين كريمة ومصونة
فيها المشايخ والعلماء
وإعلانات مفهاش إغواء
ادعمها ياللا ما تبخلشي
بسرعة قوم متفكرشي
وربنا يضاعف أجرك
ويكرمك ويبارك لك
أبو أسماء الأزهريّ
كارم السيد حامد السرويّ
إمام وخطيب بوزارة الأوقاف المصرية
.gif){kind=small}
.gif){kind=small}
.gif){kind=small}
.gif){kind=small}
.gif){kind=small}
.gif){kind=small}
الـــقــرآن الــكـــريـــــــــم 
منصــة اللغــة العربيــة 
رســـولُ رب العـالـمـيــن 
بورما جرحنا الذي ينزف 
الإستماع للقرآن الكريم 
تفريغات الدورة العلمية الثالثة إعداد طالب العلم 
تفريغات الدورة العلمية باجازة نصف العام الدراسي لعام 2016 م 
مجالس الاجازة بسماع الكتب التسعة مع فضيلة الشيخ أبي عاصم البركاتي حفظه الله 
المقرأة الالكترونية الكبرى مع الاجازة بالقراءات العشر أو أي رواية تريدها الأخت 
دورات الشيخ الدكتور ماهر الفحل حفظة الله 
بث مباشر للهاتف والايباد 
شـهــر الله المــحـــرم 
الإحـــــصـــــــــائــيـــات 
ســـــــجـــل الــــــــزوار 
اخــــبـــــر صــديــقــــك 
.gif){kind=small}
.gif){kind=small}
.gif){kind=small}
.gif){kind=small}
